Ջաննի Ռոդարի․ «Հասած երկինքը»

Երեխաներ, իմ խորհուրդը ձեզ՝ սիրեք ածականները: Մի՛ պահեք ձեզ էս անտանելի երկվորյակների՝ Մարկոյի և Միրկոյի պես, որ ծիծաղում են դրանց վրա: Երեկ, օրինակ, նրանք պետք է  ածականներ ընտրեին մի քանի գոյականների համար:
Այս ավազակները գրել  էին. «Կապույտ սերմ, կանաչ ձյուն, սպիտակ խոտ, քաղցր գայլ, չար  շաքարավազ, հասած երկինք…»:
Ու մեկ էլ  հանկարծ անտանելի որոտ լսվեց. «Գը՜մփ-գը՜մփ»: Էս ի՞նչ էր: Ոչինչ. էս երկինքը լսեց, որ ինքն արդեն հասել է, որոշեց, որ տանձ  ու խնձորի նման  գետնին պիտի թափվի: Վերևից հո չընկա՜վ: Տունը փլվեց, փոշու ամպ բարձրացավ: Հրշեջներն եկան, շատ չարչարվեցին, հազիվ էս  անտանելի երկվորյակներին փլատակների տակից հանեցին: Բա նրանց  կարել-կարկատելն ինչ դժվար էր, ախր նրանք մասերի էին բաժանվել: Երկինքն էլ մի կերպ իր տեղը դրեցին, որ  ծիծեռնակներն ու ինքնաթիռները  կարողանան այնտեղ թռչել:

Առաջադրանքներ

• Հեքիաթից դո՛ւրս գրիր 7 գոյական և դրանց այնպիսի բառեր ավելացրու, որ գոյականները տրամադրություն ունենան, օրինակ՝ երկինք- հուզված երկինք։
• Նախորդ առաջադրանքում գրածդ զույգերից որևէ մեկով հեքիաթ հորինիր։
• «Երկինք» բառի սկզբնատառերով գոյականներ գրիր։ Գրածդ բառերը փորձի՛ր միավորել մեկ նախադասության մեջ։

Ե —

ր —

կ —

ի —

ն —

ք —

• Փորձիր նախադասությունների համար ավարտ մտածել։
  
  Եթե ժամացույցները առաջ գնալու փոխարեն հետ գնային,․․․․․․․․․․․․․․․․։
  Եթե ընձուղտի վիզը նապաստակի վզի նման կարճ լիներ,․․․․․․․․․․․․․․․․․․։
  Եթե կոկորդիլոսի ատամները շաքարից լինեին,․․․․․․․․․․․․․․․․․․․․․․․․․․․․․․․։
  Եթե երկնքից անձրևի փոխրեն ամպիկներ թափվեին,․․․․․․․․․․․․․․․․․․․․․․․։
  Եթե շան փոխարեն մարդիկ կենգուրու պահեին, ․․․․․․․․․․․․․․․․․․․․․․․․․․․․․։