Հունվարյան ստուգատեսային ճամբարը լայն հնարավորություններ է տալիս նոր համագործակցությունների, հետաքրքիր նախագծերի ձևավորման համար։
Կրթահամալիրի տարբեր օղակների դասավանդողների համագործակցությունը այլ օղակների սովորողների հետ, սովորողների և սովորողների միջև նախագծերի իրականացումը, և իհարկե դրանց գեղեցիկ ներկայացումը նաև բաց հարթակներում, ուրբաթ-համերգներին։
Այս օրերին Արևմտյան դպրոցում հյուրընկալում ենք Տիգրան Զոհրաբյանին, ով ճամբարականներին սովորեցնում է ազգային պար՝ «Յարխուշտա»։
Յարխուշտա ռազմական խաղ-պարը տարածված է եղել Սասունում: Պարի անվանումն ունեցել է տարբեր մեկնաբանություններ, որոնցից մեկն այն է, որ Յարխուշտա նշանակում է զենքի ընկեր: Յար պարսկերեն նշանակում է ոչ միայն սիրեցյալ, այլև ընկեր, իսկ խըշտ, խըշտիկ` կարճ նիզակ, զենք: Շարունակությունը՝ այստեղ։
Պարն ամբողջությամբ տեսնելու և վայելելու հնարավորություն կունենանք՝ փետրվարի 9-ին, ժամը՝ 15։15, ՀԱԹ Բաբաջանյան 25 հասցեում։
Նախագիծ՝ Ազգագրական փառատոն 2024 բաղադրիչ նախագիծ, տեխնոլոգիական-արտադրական ուսուցում՝ «Պատրաստում ենք կավե դաղդղաններ» Նպատակը՝ Ազգագրական փառատոնի ընթացքում ուսումնասիրել ազգային մշակույթի մաս կազմող հմայիլներից՝ դաղդղանի մասին, իմանալ՝ ինչի՞ համար են այն օգտագործել, իրենից ի՞նչ է ներկայացրել, ինչպե՞ս են այն պատրաստել, ի՞նչ հումքից, ի՞նչ էր նշանակում հմայիլ։ Խնդիրները՝ կավով աշխատելու հմտություններ, ազգային մշակույթին մեկ քայլով մոտ լինելու հնարավորություն, տեխնոլոգիական ուսուցում՝ կարողանալ խմբով աշխատել, ստեղծել ցուցահանդես վաճառքի համար անհրաժեշտ պորդուկտ Արդյունք՝ ազգային մշակույթի բաղադրիչ հանդիսացող հմայիլների ճանաչում, տարածում նաև ունեցած ինֆորմացիայի արդյունքում, արտադարական ուսուցում՝ պրոդուկտ, որը կկարողանանք ներկայացնել, որպես ջոկատի կողմից արված աշխատանք Համագործակցություն՝ Ալիս Գևորգյանի հետ Անցկացման վայր՝ Վիգեն Ավետիսի քանդակի դպրոց Օրեր՝ յուրաքանչյուր երկուշաբթի, ժամը՝ 11։00-12։00 Մասնակիցներ՝ 2-րդ ջոկատի ճամբարականներ, «Հայրենագետ-երաժիշտների» ջոկատ
Դաղդղանի մասին տեղեկություն կարող եք ընթերցել այստեղ
Առաջին փուլի մեկնարկ․ Ազգագրության փառատոն. կավե «Հմայիլ- դաղդղաններ»
Երկրորդ փուլ․ հարթեցնում ենք դաղդղանները և ներկում
Ազգագրական փառատոն 2024 — առաջին շաբաթը Արևմտյան դպրոցում անցավ գունագեղ, բազմապիսի ու անչափ հետաքրքիր, համեղ նախագծերով։ Փառատոնի շրջանակում ձևավորված նախագծերը լավագույն կերպով զարդարում են մեր հունվարյան ստուգատեսային ճամբարը, որի արդյունքում, իսկական հրավառություն տոն ենք ունենում։
Սիրով ներկայացնում ենք Արևմտյան դպրոցի նախագծային ընտրանուց մի քանի ամփոփումներ, որոնք առաջին շաբաթվա մեկնարկով ունենալու են նաև շարունակականություն մինչև հունվարի վերջ։
Ձմեռային ազգագրության փառատոն 2024 -համակարգումը՝ Սոնա Փափազյանի Հունվարյան փառատոնային ճամբարի ընթացքում սովորեցնող սովորող նախագծով, Արևմտյան դպրոցի 6-տարեկաններին կսովորեցնենք, միասին կխաղանք ազգային բակային, նավասարդյան խաղեր՝ ֆռռիկ/հոլ/, կոճակ, աքլորակռիվ, գոմշակռիվ, կոպալ քաշոցի…:
Անվանում՝ «Ձեռքդ տուր, միասին անենք հոպ…» Ժամանակ՝ ստուգատեսային-փառատոնային հունվար Մասնակիցներ՝ Արևմտյան դպրոցի 4-5-րդ դասարանի տարատարիք ճամբարականներ, 6 տարեկան ճամբարականներ Նպատակը՝ սովորեցնող -սովորող նախագծով, Արևմտյան դպրոցի 4-5-րդ դասարանի տարատարիք ճամբարականների հետ կհմտանանք ազգային ավանդական խաղեր խաղալու մեջ և կփորձենք ուսուցանել մեր կրտսեր ընկերներին՝ 6 տարեկաններին: Խնդիրներ՝ տարատարիք խմբերի սոցիալիզացիա, միասին հարաբերվելու, ընկերական կապերը ամրապնդելու, հանդուրժող լինելու կարողության զարգացում, համակարգչային խաղերի այլընտրանքը՝ ազգային ավանդական խաղերով ցուցադրել Արդյունք՝ մի շարք տարատարիք ճամբարականների շրջանում սիրելի դարձնել ազգային ավանդական խաղերը, դրանք դարձնել ամենօրյա հավես րոպեներ: Արդյունքները տեսաֆիլմերի, նկարաշարերի տեսքով հրապարակել բլոգներում
Սովորողների և դասվանդողներ, անհատական, խմբային, համագործակցային նախագծերի ստուգատես է, որի նպատակը ազգային մշակույթի ներկայացումն է, յուրացումը, հեղինակային մանկավարժական փորձի տարածումը:
Սոնա Փափազյան Ուսուցչի Բլոգ 